Richard Gutierrez, posibleng naging sundalo kung hindi nag-artista

Isiniwalat ng Kapuso leading man na si Richard Gutierrez may plano siya noon na maging sundalo ang United States pagkatapos niyang mag-high school. “I wanted to join the military sa States. Isa 'yon sa mga dream ko. Gusto ko sanang pumunta sa direksyong yun kasi nung time na ‘yon, super addict ako sa martial arts. I was winning tournaments, as in napaka-zoned in ko sa martial arts nung time na yun,” pag-amin nito. Kahit papaano naman daw ay naipagpatuloy niya ang hilig sa nabanggit na sport sa pamamagitan ng kanyang bagong business na  gym. Kwento niya sa ulat ni Samantha Portillo ng GMANetwork.com,  “Operating na yung gym ko. It’s mostly for martial arts. May boxing, Muay Thai, jiu-jitsu, tapos we have mga sports conditioning. Meron din kaming studio. Magkakaroon kami ng pole dance at saka yoga.” Papaano naman kaya si Richard bilang boss ng kanyang sariling business? “I’m hands-on, of course. I see everything, but I have partners din naman so ‘pag busy ako, ina-update nila ako, but I’m not so strict. I just want to be fair, and to know what’s right for people who are coming in,” paliwanag ng aktor. Speaking of "boss," bibida ang aktor sa bagong pelikulang handog ng GMA Films na "My Lady Boss," kung saan makakasama niya ang Primetime Queen na si Marian Rivera. Kwento ni Richard, mayroon silang pagkakapareho ng kanyang karakter na si Zach sa nasabing pelikula. Aniya, “Nung (nasa) high school ako, parang ganyan din ako eh. Medyo pilyo, tapos marami akong strict na teachers pero nakukuha ko yung heart nila by using my charm.” Pinag-aralan daw mabuti ng Kapuso leading man ang kanyang karakter sa nasabing pelikula. “Siyempre, in every character that you do, you have to put a bit of yourself in it. It depends on the situation or the scene," sambit niya. Patuloy pa ni Richard, "Si Zach, he’s obnoxious pero smart. He knows what he wants, but the way he deals with people is medyo maangas,” Mapapanood ang "My Lady Boss" sa mga sinehan sa susunod na buwan sa direksiyon ni Jade Castro. Kasama sa pelikula sina Maricel Laxa, Sandy Andolong, Rocco Nacino, Ruru Madrid, Petra Mahalimuyak, at Sef Cadayona. -- Mac Macapendeg/FRJ, GMA News