Lauren Young on playing kontrabida role in Mundo Mo'y Akin: 'It's another side of me'

Excited ang bagong Kapuso actress na si Lauren Young sa kanyang first project sa GMA Network kung saan gaganap siyang kontrabida sa primetime drama series na Mundo Mo'y Akin. Sa naturang drama series, gagampanan ni Lauren ang karakter ni Darlene, ang kababata ni Marilyn, played by Louise delos Reyes, na magkakagusto kay Jerome, na gagampanan naman ni Alden Richards.   "It's my first kontrabida role, and ang maganda sa kanya [ay] hindi siya ordinary na kontrabida na nagba-brat lang siya, gagawa lang siya ng masama because she can. Lahat ng mga ginagawa niya, she does it because she has reasons. She acts the way she acts kasi nasasaktan siya," paglalarawan ni Lauren sa kanyang character sa ginanap na press conference kamakailan.   Patuloy pa ng young actress: "Since it's my first time to be a kontrabida, I'm very excited to show people na hindi lang puro pagpapaawa yung kaya kong gawin. It's another side of me. At the same time, kung ma-label lang ako as a bida or a kontrabida, I want people to appreciate my acting skills, and dito tingnan natin kung kaya ko."   Hindi rin isyu para kay Lauren na maging kontrabida sa kanyang bagong project kahit pa naging lead star na siya sa kanyang dating network. "People think kasi if you become bida, kapag nag-kontrabida ka it's parang a demotion, a downgrade. I'm not just saying this dahil nangyayari sa akin, but that's not the case naman talaga," pahayag niya. "If you think about it, wala kang kontrabida kung walang bida. Wala kang bida kung walang kontrabida. It makes the story whole, and it's not about kung gaano kadami ang exposure na mayroon ka as a character, it's how you tell your story and the way you tell it," ayon kay Lauren.   Hindi rin ikinaila ni Lauren na nakakaramdam siya ng pressure bilang third member sa love triangle with Alden and Louise sa serye. "Siyempre, meron po [ng pressure]. But siguro if I do my job tapos maraming magagalit sa akin, then I did my job right. I'm here to work, and I don't want to break anything that they have," paliwanag niya.   Mapapanood ang Mundo Mo'y Akin simula sa Lunes, Marso 18, pagkatapos ng Indio sa GMA Telebabad. -- MCaligan/FRJ, GMA News