Bakbakang Mayweather vs. Guerrero, mapapanood sa GMA-7 sa Linggo

Mapapanood sa GMA-7 sa Linggo ng umaga ang pinakahihintay na pagbabalik sa ring ni Floyd Mayweather Jr. pagkatapos ng dalawang taong pahinga.   Makakasagupa ni Mayweather para sa WBC world welterweight title fight sa MGM Grand Garden Arena sa Las Vegas ang kapwa Amerikano na si Robert Guerrero. Hangad ni Guerrero (may record fight na 31-1 with 18KOs) na ipalasap kay Mayweather ang una nitong pagkatalo na may malinis na 43-0 record.   Huwag palampasin ang free TV airing ng "May Day, the Mayweather-Guerrero" fight sa Linggo,  May 5, sa ganap na 9:30 a.m., sa GMA-7. - FRJimenez, GMA News