Ryzza Mae, good influence kay Bimby, ayon kay Kris Aquino

Natutuwa at masaya ang TV host-actress na si Kris Aquino sa namumuong friendship ng kaniyang anak na si Bimby at ang Kapuso child star na si Ryzza Mae Dizon.   Sa "Chika Minute" ng GMA news 24 Oras nitong Miyerkules, sinabing masaya umano si Kris na nagkatambal sina Bimby at Ryzza sa isang movie.   Magandang impluwensiya daw kasi si Ryzza kay Bimby dahil natuturuan ng bulilit dabarkads ng Eat Bulaga ang anak niya na matutong magpasalamat sa natatanggap na mga blessing. Dagdag pa ni Kris, very down to earth si Ryzza. "Namumulat niya yung eyes ni Bimb na to be appreciative of everything he has," ayon kay Kris. -- FRJ, GMA News