Mga bagong Kapuso shows na aabangan ngayong 2014

Mas magniningning ang telebisyon sa mga bagong pasabog na programa ng Kapuso Network ngayong 2014.

Sa ulat ni Lhar Santiago sa "Chika Minute" ng GMA news 24 Oras nitong Miyerkules, kabilang sa mga aabangang teledrama sa primetime block ang "Carmela," ang suspense series na "Rhodora X," at tele-fantasyang "Kambal Sirena."

Ang "Carmela" ay pagbibidahan ng Kapuso primetime queen na si Marian Rivera, kasama si Alden Richards. Habang pangungunahan naman nina Jennylyn Mercado, Mark Herras, Yasmien Kurdi at Mark Anthony Fernandez ang "Rhodora X."



Sinasabing pinakamalaking hamon naman sa career ni Louise delos Reyes ang "Kambal Sirena," kasama niya si Aljur Abrenica.

May bagong handog din ang GMA sa Dramarama sa Hapon block  na "Innamorata" na pangungunahan nina Max Collins, Jackie Rice at Luis Alandy;  at "Paraiso Ko'y Ikaw" nina Kim Rodriguez at Kristoffer Martin.
 
Abangan din ang mga bagong pakulo sa weekend programs na "Celebrity Bluff," "Picture! Picture!," "Startalk," "Pepito Manaloto," "Sarap Diva," "Kusina Master," at "Sunday All Stars." -- FRJ, GMA News