Teen actor Hiro Peralta, Kapuso pa rin

Nananatiling Kapuso ang 19-anyos na teen actor na si Hiro Peralta. Nitong Miyerkules, pumirma ng three-year exclusive contract ang aktor kasama ang ilang opisyal ng GMA Network.

 
“Sobra akong happy. Kasi gusto ko talaga sa GMA. Ever since noong nagsisimula pa lang ako sa Tween Hearts, gusto ko na dito ako mag-grow at matuto,” ayon kay Hiro, na co-managed ng GMA Artist Center.
 
Dumalo sa contract signing sina GMA Chairman and Chief Executive Officer Atty. Felipe L. Gozon, GMA Entertainment TV's Senior Vice President Lilybeth G. Rasonable, GMA Assistant Vice President for Alternative Productions Gigi Santiago-Lara, GMA Artist Center Assistant Vice President and Head for Talent Imaging and Marketing Unit Simoun Ferrer, Program Manager for ETV Charles Koo, at si John Fontanilla, manager ni Hiro.
 
Abala sa ngayon ang teen actor sa singing and acting workshops.  Nabanggit ni Hiro na nais niyang makatrabahong muli sina Derrick Monasterio at Barbie Forteza.
 
Ayon naman kay Gng. Rasonable, “We saw his potential nung pumasok siya sa 'Tween Hearts.' After 'Tween Hearts,' kinontrata na natin siya kasi nakita naming may talent siya at nagsunod-sunod ang projects niya sa drama. Kaya hanggang ngayon gusto pa rin naming siyang i-develop.”
 
Napanood si Hiro sa "Anna Karenina" (2013), "Cielo de Angelina" (2012), "Biritera" (2012), at "Tween Hearts" (2011). -- Mac Macapendeg/FRJ, GMA News