Doña Nena Vera-Perez ng Sampaguita Pictures, pumanaw na

Pumanaw na nitong Miyerkules ng madaling-araw  si Azucena "Nene" Vera-Perez, ang matriarch ng Sampaguita Pictures, at itinuturing isa sa mga halagi ng Philippine film industry.

Sa "Chika Minute" ng GMA news "24 Oras," sinabing kinumpirma ni Manay Gina de Venecia ang pagpanaw ng kaniyang ina na kilala rin sa tawag na "Mama Nena" at "Doña Nena."

Ngayong Miyerkules gabi ilalagak ang mga labi ni Doña Nena sa Mount Carmel church sa Quezon City.



Sa Linggo naman ay nakatakda siyang ihatid sa huling hantungan.

Ang Sampaguita Pictures ang isa sa mga kinikilalang premyadong film studios sa bansa.

FLASH: Azucena "Mama Nene" Vera–Perez ng Sampaguita Pictures, pumanaw na kaninang alas 2:56 ng madaling araw. — German Moreno

— DZBB Super Radyo (@dzbb) May 14, 2014
 
 
 
 
 

Una rito, ibinalita ni German "Kuya Germs" Moreno sa dzBB radio ang pagpanaw ni Doña Nena.

Emosyunal na ipinaalam ni Kuya Germs na malaki ang utang na loob niya kay Doña Nena na nagbigay sa kaniya ng break sa showbiz nang nagsisimula pa lamang siyang mag-artista. -- Joel Locsin/LG/FRJ, GMA News