Alamin kung sino ang gagawa ng gown sa kasal ni Marian Rivera

May napili nang gagawa ng gown na isusuot ng Primetime Queen Marian Rivera sa kasal nila ng Primetime King na si Dingdong Dantes. Bumiyahe pa raw mula sa Dubai ang Pinoy international fashion designer para magkita sila ni Marian.

Sa isang post sa Instragram ng GMA showbiz reporter na si Nelson Canlas, ipinakita ang larawan nila ni Marian kasama ang sikat na designer na si MIchael Cinco.



Nakasaad sa caption ng larawan na, "Michael Cinco flew all the way from Dubai to design Marian Rivera's wedding gown. The Kapuso Primetime Queen wants her traje de boda to be "presentable to God, therefore there will be less skin showing". Michael says he will deliver something "fabulous". http://instagram.com/p/tJ7ZCXO7rw/."

Sa Facebook account ni Marian, may hiwalay na post ng larawan nilang dalawa ni Michael na may caption na, "Face to face with 'the' Michael Cinco! What a great start to our bride-designer relationship. Both tisays, and proud Pinoys!"

Noong 2011, napili si Michael na na gumawa ng kaniyang designs sa popular reality-model search na, America 's Next Top Model kung saan host ang top supermodels na si Tyra Banks. (Basahin: Pinoy couturier shines in 'America's Next Top Model')-- FRJimenez, GMA News