Mary Christine to Angelica: 'If I had a choice, I would just accuse Derek'

Nagbigay ng mensahe si Mary Christine Jolly para kay Angelica Panaganiban hinggil sa panibagong reklamong concubinage na inihain niya laban sa estranged husband na si Derek Ramsay at sa aktres na ex-girlfriend nito noong Miyerkules, October 8.

 

Aniya, hindi niya ninais na masangkot si Angelica sa gulo sa pagitan nila ni Derek, ngunit hindi ito mapahintulutan ng batas.

 

 

“It's not a personal attack against her and it's just unfortunate that this concubinage case cannot just be directed at one accused, it has to be on both of them, because if I had a choice I would basically only accuse Derek for this crime,” ayon kay Jolly.

 

Nauna nang humingi ng tawad ang aktor kay Angelica. Ayon kay Derek, “I would like to apologize to Angel, her family and all her fans for what's happening right now. I assure you hindi ko siya papabayaan.”

 

Hindi pa nagbibigay ng pahayag ang aktres hinggil sa kasong isinampa laban sa kanya, ngunit isang araw matapos madawit sa kaso, nag-post si Angelica ng masayang larawan kasama ang current boyfriend na si John Lloyd Cruz. 

 

Nang tanungin kung ano ang interpretasyon niya dito, ayon kay Jolly,  “I would take as: She's now in a very happy place because she has moved on from someone like Derek, and she wishes me good luck, having to deal with such a man.” — Bianca Rose Dabu/JST, GMA News