Dennis Trillo at Kris Bernal, may mainit na eksena sa 'Hiram na Alaala'

Naging mainit ang mga tagpo sa Kapuso Primetime series na "Hiram Na Ala-ala" nitong Huwebes ng gabi.

Sa naturang episode, ang mga karakter nina Dennis Trillo at Kris Bernal na sina Ivan at Andrea, nagpunta sa isang hotel.

At dahil sa bugso ng damdamin, may nangyari sa dalawa.



Bago nito, nag-propose na si Ivan kay Andrea at pumayag namang magpakasal sa kaniya ang dalaga.

Pero may tumututol pa rin sa kanilang pag-iibigan.

Ang tanong, mauwi nga kaya sa kasalanan ang pag-iibigan ng dalawa?

Iyan ang mga dapat abangan sa mga susunod na episode ng "Hiram Na Alaala" sa GMA. -- FRJ, GMA News