Andre Paras, ano ang kinaiinggitan sa kapatid na si Kobe?

Dahil sa ingay na ginagawa ngayon ni Kobe Paras sa basketball, hindi maiwasan ni Kapuso actor Andre Paras na maikumpara sa kapatid. Kamakailan lang kasi ay tinanggap na ni Kobe ang offer ng UCLA Bruins upang maglaro sa darating na NCAA sa Amerika.

 

Ayon kay Andre, hindi na raw bago sa kanya na maikumpara kay Kobe. Aniya, "Sanay na talaga [akong ma-compare]. When people say na 'kaya pala nasa showbiz si Andre,' I don't really mind [it] kasi I'm proud of Kobe."

 

Tanggap na raw ni Andre na mas magaling maglaro si Kobe ng basketball kaysa sa kanya. "I always say to him, Kobe, you're better than me," saad niya.

 

"I'll always be Kobe's number one fan. I'll be here to support him talaga," dagdag pa ni Andre.

 

Kahit na malayo ang magkapatid sa isa't-isa ay hindi raw nawawala ang kanilang komunikasyon. Ani Andre, "It's really fun. Napupuyat ako sa taping then kapag walang taping, [napupuyat pa rin] kasi nag-uusap kami ni Kobe. We send pictures, videos, and other stuff a lot. Ang dami niyang kinukuwento kasi a lot of things are happening there."

 

Pag-amin ni Andre, nakakaramdam daw siya ng inggit sa 6-foot-6 player na kapatid. "Kobe is taller than me [around] two inches na. Nakakainggit. Maganda na 'yung katawan niya, super sexy at pang-model na," pahayag ng The Half Sisters star. — GMA Network