Apat na pambato ng Pilipinas sa Asia's Got Talent, pasok sa grand finals

Muling nakakuha ng "golden buzzer" sa mga hurado ng “Asia’s Got Talent" ang Pinoy shadow dance group na El Gamma Penumbra para diretso silang makapasok sa grand finals ng kompetisyon.

Sa paglusot ng El Gamma Penumbra, apat  na ang pambato ng Pilipinas sa grand finals na kinabibilangan ng hip-hop dance group na Junior New System, at mga singer na sina Gwyneth Dorado at Gerphil Flores.

Get ready to have your heart warmed all over again! #GoldenBuzzer x2 for #ElGammaPenumbra! #AsiasGotTalent pic.twitter.com/jDYxmZOCy8

— Asia's Got Talent (@asiasgottalent) April 30, 2015

Maliban kay Gerphil na nakalusot sa grand finals sa pamamagitan ng botohan, nakakuha rin ng "Golden Buzzer" sina Gwyneth at Junior New System.

Labis ang kasiyahan ng judge na si Anggun para sa El Gamma Penumbra dahil siya ang pumindot ng golden buzzer noon sa audition para dumiretso ang grupo sa semi-finals. -- FRJ, GMA News