Lea Salonga sa kaniyang Independence Day tweet: 'I'm man enough to admit when I'm wrong'

Miyerkules ng umaga nang muling nagbigay ng kaniyang pahayag ang internationally-acclaimed Filipina singer at Broadway performer na si Lea Salonga kaugnay sa pakikipagsagutan niya sa ilang netizens sa Twitter tungkol sa selebrasyon ng Araw ng Kalayaan noong June 12.
 
Saad ni Lea sa serye ng kaniyang tweets, nagpapasalamat siya sa mga netizens na nagmulat sa kaniya sa pagkakaiba ng salitang "kasarilan" at "kalayaan."

Thanks to many Twitterers, I have learned the difference between KASARINLAN and KALAYAAN. However, this brings me to another question...

— Lea Salonga (@MsLeaSalonga) June 16, 2015

 
Gayunpaman, nagtatanong pa rin siya kung kailan ba talaga dapat gunitain ang araw ng kalayaan dahil hindi lang naman iisang bansa ang sumakop sa Pilipinas. Maliban kasi sa bansang Espanya, sinakop din ng Amerika at maging ng Japan ang Pilipinas.

When is Independence Day? Yes, June 12, 1898 was its DECLARATION after Spain. But, there were the Americans, then Japanese, and Americans.

— Lea Salonga (@MsLeaSalonga) June 16, 2015

... So after the Americans, we got our actual (according to what I've read) independence on July 4, 1946. So what we celebrate therefore...

— Lea Salonga (@MsLeaSalonga) June 16, 2015

... is the declaration on June 12, not the actual on July 4. Confusing but there it is. Will need to read more now that I have free time.

— Lea Salonga (@MsLeaSalonga) June 16, 2015

Inamin naman ng singer-performer na hindi lubos ang kaalaman niya tungkol sa kalayaan ng Pilipinas kaya ipagpapatuloy daw niya ang pagbabasa tungkol dito.
 
“I'm man enough to admit when I'm wrong. #SorryNotButthurt” aniya.
 

I'm man enough to admit when I'm wrong. #SorryNotButthurt

— Lea Salonga (@MsLeaSalonga) June 16, 2015

Matatandaang umani ng iba't ibang reaksiyon ang tweet ni Lea noong June 12 matapos siyang magtanong kung ano ang ipinagdiriwang sa Araw ng Kalayaan gayung hindi naman malaya ang bansa sa utang, kahirapan,  krimen, at katiwalian.
 
“Our country is not yet debt-free, poverty-free, crime-free, or corruption-free. So what are we free from exactly and why do we celebrate it?” ayon sa sikat na singer-performer.
 
Ilang netizens ang pumuna sa naturang post ni Lea at nagpahayag na hindi magkakaroon ng pagkakataong maghayag ng saloobin ang international performer kung hindi dahil sa kalayaang kinikuwestiyon niya.
 

@MsLeaSalonga our celebration is about being free from the colonizers, not being free from the major maladies of the country. ;)

— Kent Areeel (@kentaryll) June 12, 2015

 
Iginiit naman ni Lea na malaya man raw tayo sa mga mananakop, hindi niya pa rin maipagdiwang ang tunay na kalayaan sa Pilipinas. Kasabay ng tweet na ito ang hashtag na “Just Me.”
 

@kentaryll Indeed, we are independent from the colonizers that once lorded over our country. But I can't celebrate just the same. #JustMe

— Lea Salonga (@MsLeaSalonga) June 12, 2015

Ang palitan ng tweets ni Lea at ng isang @ragingbulex ay umani ng 95 retweets at 245 favorites.
 
Marami man ang bumatikos sa kaniyang tweet ay nanindigan ang international singer sa kaniyang saloobin. -- Bianca Rose Dabu/FRJ, GMA News