Ryza Cenon sa love life ni LJ Reyes: 'Kung saan masaya si LJ, dun din ako at susuportahan ko siya'

 
Ayaw kumpirmahin o itanggi ni Ryza Cenon ang balitang may namamagitan na sa kaibigan niyang si LJ Reyes at sa aktor na si Paolo Contis.

Sabi niya sa panayam ng PEP.ph (Philippine Entertainment Portal), “Mas maganda po na sila ang tanungin ninyo!

“Hindi ko kasi pinakikialaman ang lovelife ni LJ.”

May naikukuwento ba si LJ sa kanya?

“Hindi naman namin masyadong pinag-uusapan yung lovelife namin,” giit ni Ryza.

Kung totoong sina LJ at Paolo na, susuporta ba si Ryza bilang kaibigan?

Sagot niya, “Kung maging sila man, bilang kaibigan, kung saan masaya si LJ, dun din ako at susuportahan ko siya.”

Magka-batch sina Ryza at LJ sa second season ng StarStruck ng GMA Network, kung saan si Ryza ang itinanghal na Ultimate Female Survivor at si LJ naman ang First Princess o runner-up.

Tungkol naman sa sariling love life, sinabi ni Ryza na mayroon siyang dini-date na non-showbiz.

“Wala pa rin. Date-date lang muna!” tawa niya.

Non-showbiz daw ang lalaking nakaka-date ni Ryza at exclusively dating daw sila.

Kapag wala siyang taping ay ang pagiging negosyante naman ang pinagkakaabalahan ni Ryza.

“Kapag wala po akong taping, inaasikaso ko po yung business namin ni LJ na Paburrito by Bahilya po.

“Ang concept po niya is paboritong Pinoy na ulam in a burrito.

“Dito din galing ang name, yun pong original concept is a contemporary Filipino fusion restaurant.

“In the process of recreating Filipino dishes, naisip na i-combine ang burrito at ang mga common favorite Filipino dishes.

“Similarity sa Mexican [burrito] at Filipino food ay rice.

“Ang advantage po niya is complete meal at handy."

Sabi pa ni Ryza, “Nag-start kami sa bazaars, pero we are now accepting delivery and pickups and event catering.

“Follow lang po kami sa Instagram: @bahilya o sa Twitter: @BahilyaInc at sa Facebook: www.facebook.com/Bahilya sa details po ng delivery, caterings and events.

"Or email po kami paburrito.bahilya@gmail.com.” -- For the full story, visit PEP.