Na-hack na Instagram account ni Pokwang, nabuhay at pinalitan daw ng pangalan

Nagbigay ng babala ang komedyanteng si Pokwang sa kaniyang mga follower kaugnay ng muling pagbuhay sa luma niyang Instagram account na na-hack umano noon.
 
Sa kaniyang post sa bagong account na ginagamit, binatikos ni Pokwang ang pinaniniwalaan niyang nang-hack sa luma niyang Instagram account na @pokie827.
 
Saad sa post ng komedyante, "ikaw pala ang hacker ng dati kong IG accnt na pokie827 at pinalitan mona ng bagong name?? nakakaloka ka sana ikayaman mo yan tah ka!!"
 
Mayroong mahigit kalahating milyon followers ang lumang Instagram account ni Pokwang, habang nasa mahigit 100,000 naman ang followers sa bago niyang account na @itspokwang27.

Kaugnay ng pagbuhay sa luma niyang account, nagbabala si Pokwang sa kaniyang mga follower na hindi na siya ang gumagamit ng @pokie827.

Nilinaw din ni Pokwang na wala siyang Facebook account.

 

ikaw pala ang hacker ng dati kong IG accnt na pokie827 at pinalitan mona ng bagong name?? nakakaloka ka sana ikayaman mo yan tah ka!! ingat po kayo hindi na ako ang gumagamit ng accnt na pokie827 kundi ang talipandas na ito! Paki report ang accnt na ito @LMAOSCOTTY at isa pang paalala wala din po akong facebook kaya ingat ingat lang po sa mga impostor!!

A photo posted by Mayette (@itspokwang27) on

Aug 10, 2015 at 2:19pm PDT