Alden, bigong makita si Yaya Dub sa Broadway  

Nananatiling bihag si Yaya Dub ng mga dumukot sa kaniya sa pagpapatuloy ng kalye-serye ng Eat Bulaga ngayong Miyerkules.

 

Pero nabuhay ang pag-asa ni Alden na makita siya matapos sabihin ng tumawag kay Lola Nidora na nasa Broadway lamang ang dalaga.

 

Kung saan-saang sulok ng venue ang pinuntahan ni Alden sa pag-asang makita at masagip niya ang kaniyang minamahal.

 

Pero nanatiling bigo si Alden na makita si Yaya at patuloy na nag-dalamhati.

 

Samantala, nakahanap naman ng paraan si Yaya na posibleng makatakas.

 

Nang lumabas sa pinto ang dalaga, sabay naman nag-freeze frame ang kalye-serye.

 

Makatakas na kaya si Yaya ngayong Huwebes, just in time for her weeksary with Alden? Magkita na kaya ulit sila? —JST, GMA News