Filtered By: Showbiz
Showbiz
#ALDUBPreparationDay
Bakit nako-conscious si Yaya Dub?
Totoo ba ang kasabihan na tinataghiyawat ang mga taong in love?
Ito ang tanong ng mga Dabarkads sa pagpapatuloy ng kalyeserye sa Eat Bulaga ngayong Biyernes.
Si Yaya Dub kasi, may pimple sa kaniyang mukha.
Zit zit go away, come again another day (may bisita ako bukas, makisama ka!) ????
— Maine Mendoza (@mainedcm) September 25, 2015
Kaya naman ang dalaga, tila na-conscious pagdating sa kalyeserye.
PIMPLE PA MORE!!!!!! #ALDUBPreparationDay pic.twitter.com/IadPXkKAzw”
— ALDUB PHILIPPINES ™ (@ALDUBPILIPINAS) September 25, 2015
Hirit pa ni Allan K, ang title daw dapat ng episode: "The Dimple and the Pimple."
Pero para kay Alden, hindi isyu ang taghiyawat. "Kahit may pimple ka, maganda ka pa rin," aniya.
Samantala, nagbigay naman ng payo ang iba-ibang Dabarkads sa unang pagdalaw ni Alden kay Yaya sa mansyon ni Lola Nidora.
Sabi ni Ruby, dapat daw magpasalubong ng biko at pancit. Dagdag pa nito, 'wag daw basta uupo kung hindi pinauupo.
Ayon naman kay Pia at Sam Yg, dapat niyang bigyan ng regalo ang lahat ng mansyon.
Sabi naman ni Jimmy, dapat maging magalang si Alden.
Tip naman ni Ryan, kilalanin ang pinakamataray na tao sa mansyon at kaibiganin.
Si Allan naman, pahihiramin daw ng kotse si Alden, basta maghaharana ito ng, "Pen Pen De Sarapen, itong si Meng, mahal ni Den."
Pero ang pinakamatinding tip, galing kay Henyo Master Joey.
"Sakmalin mo agad... ang pagkakataon," aniya.
Sa Ingles: "Seize the day!" - JST, GMA News
More Videos
Most Popular