Direk Joey on Alden Richards: 'Superman ka, Tisoy!'

Hindi naitago ng batikang direktor na si Jose Javier Reyes ang paghanga kay "Pambansang Bae" Alden Richards dahil sa kasipagan nito pagdating sa trabaho.
 
Bukod sa araw-araw na paglabas sa telebisyon mula Eat Bulaga hanggang Sunday Pinasaya, abala rin si Alden sa shooting ng pelikulang '”My Bebe Love” ni Direk Joey kasama sina Bossing Vic Sotto, Comedy Concert Queen AiAi delas Alas at Dubsmash Queen Maine Mendoza a.k.a. Yaya Dub. 
 
Kaliwa't kanan din ang mall shows, endorsements, at guestings ng binata.
 
Nitong Miyerkules, sunod-sunod pa rin ang showbiz commitments ng Kapuso heartthrob sa loob at labas ng Maynila.
 
Kaya naman, ayon kay Direk Joey sa isang tweet, “Full day schedule for Tisoy today, shooting with me then off to his TV show then back to me ... then off to Bataan. SUPERMAN KA, TISOY.”
 

Full day schedule for Tisoy today, shooting with me then off to his TV show then back to me ... then off to Bataan. SUPERMAN KA, TISOY.

— Joey Javier Reyes (@DirekJoey) October 7, 2015

 
Nitong araw din, ibinahagi ng direktor na naging record-breaking ang magazine cover ng Pambansang Bae sa isang magazine matapos ang halos pag-sold out nito sa mga bookstore at magazine stands sa loob lamang ng anim na araw.
 
Nauna nang pinuri ni Direk Joey si Alden nang magpasalmat ang binata sa kaniya para sa blog post na ginawa niya tungkol sa AlDub.
 
Aniya, “Just a while ago I was able to prove that Alden Richards is a cut above the rest. He is not only a good actor but a perfect gentleman. Alden R went out of his way to send me a thank you text for the blog.”
 
“How many young actors will do that considering we've only met once? I wish all the young performers will have the manners of Alden R. He has earned even more of my admiration as a role model for others,” dagdag pa ng batikang direktor.
 
Isa si Direk Joey sa mga labis na humahanga kay Alden dahil bukod sa magandang lalaki at mahusay na aktor, ay maganda ang ugali sa harap at likod ng camera. -- Bianca Rose Dabu/FRJ, GMA News