Wedding gown ni Pauleen Luna, very simple at very classic, ayon kay Francis Libiran

Ginagawa na ng sikat na fashion designer na si Francis Libiran ang wedding gown na isusuot ni Pauleen Luna sa kasal nila ni Vic Sotto.

Sa panayam ni Lhar Santiago kay Francis, sinabi nito na nakatakda nang mag-fitting si Pauleen.

"Kay Pauleen, she wants something very simple, very classic because Pauleen is very ano eh, she's very pretty, hindi mo na kailangang dekorasyunan," anang fashion designer.

Dagdag niya, "She just wants something that's timeless and simple,"

Hindi pa isinasapubliko kung kailan ang big day at kung saan ito gaganapin.

Nang mag-usap sila ni Pauleen, sinabi ni Francis na may ideya na raw ang bride to be sa kung anong klaseng wedding gown ang gusto nito isuot, at siya naman niyang sinunod sa ginawang dinisenyo.

"Knowing Pauleen, medyo ano siya eh, medyo conservative. Ang ginawa naming gown is more of her personality," ayon kay Francis.

Kadarating lang ni Francis mula sa Amerika kung saan itinampok ang kanyang mga design sa international reality fashion program na America's Next Top Model. -- FRJ, GMA News