'Sunday Pinasaya' director apologizes to AlDub fans for Twitter misunderstanding

Naging usap-usapan nitong linggo ang tweet ng “Sunday Pinasaya” director na si Rich Ilustre patungkol sa estado ng love life ni Alden Richards, isa sa mga bida ng naturang comedy variety show.

Tinanong raw ng isang follower ang direktor kung kasintahan ba ng Kapuso heartthrob ang Asia's Pop Sweetheart at kasamahan niya sa “Sunday Pinasaya” na si Julie Anne San Jose, na dati na ring na-link sa aktor.

Sinagot naman ito ng direktor ng “Yup,” na ikinabahala ng ilan at ikinagalit naman ng AlDub Nation, o ang mga tagasuporta ng tambalang Alden Richards at Maine Mendoza a.k.a. Yaya Dub.

Agad na binura ng direktor ang kaniyang tweet, ngunit marami na ang nakakita nito at marami pa rin ang patuloy na nagre-react.

Ayon kay Direk Rich, biro lamang ang pagsagot niya ng “Yup.”

Sa pamamagitan ng isang tweet, humingi siya ng paumanhin sa lahat ng nadismaya sa kaniyang pabirong sagot sa tanong tungkol sa love life ni Alden.

To #AldubNation, I sincerely apologize. I was wrong. It was a mistake on my part. Rest assured I will be more cautious in the future.

— Rich Ilustre (@RichIlustre) December 7, 2015

Nakarating sa isa pang direktor na si Jose Javier Reyes ang nangyaring ito sa social media, at agad naman niyang pinaalalahanan ang lahat ng huwag nang mag-away-away at ituon na lamang ang pansin sa “good vibes.”

Si Direk Joey ang direktor ng pelikulang “My Bebe Love” na pagbibidahan nina Vic Sotto at AiAi Delas Alas kasama ang AlDub.

Ipinagtanggol ni Direk Joey ang kapwa-direktor at sinabing mabuting kaibigan niya ito.

@RichIlustre is my good friend. Nagpapatawa lang yon. Pasensya na. He knows as well as I know that Faulkerson is as single as single can be.

— Joey Javier Reyes (@DirekJoey) December 7, 2015

Expect the worst as the Christmas playdate draws nearer. We cannot please everybody because that is impossible. So GOOD VIBES na lang, ok?

— Joey Javier Reyes (@DirekJoey) December 7, 2015

—JST, GMA News