Ciara Sotto, bumalik na sa bahay ng kaniyang mga magulang

Sa harap ng mga balitang may personal na pinagdadaanan ang singer-actress na si  Ciara Sotto, isang mensahe ang inilagay niya sa kaniyang Instagram account para makiusap sa publiko.

Sa naturang post, inamin ni Ciara na naging mahirap para sa kanila ng kaniyang anak ang nagdaang mga linggo. Umalis na rin daw siya sa kanilang bahay at bumalik sa bahay ng kaniyang mga magulang na sina Sen. Tito Sotto at Helen Gamboa.

Sa kabila ng pinagdadaanan, naniniwala si Ciara na makakakuha rin siya ng lakas sa tulong ng Maykapal.

Sa ngayon, nais daw muna niyang maging pribado ang kaniyang pinagdadaanan at humingi siya ng pang-unawa sa publiko.

Nagpasalamat din siya sa mga nagpaabot ng suporta sa kaniya.

Taong 2010 nang ikasal si Ciara sa kaniyang longtime boyfriend na si Joe Oconer. At nitong nakaraang taon ay isinilang niya ang panganay nila na si Vincezo Xose.

Read: Ciara Sotto to tie knot with longtime bf in 2010

 

These past weeks have been very difficult for me and my son. It's true that I moved out of our home and decided to go back to my parents' house for now. The truth is painful, but it is what it is. I know that the Lord will strengthen me after this. I prefer to keep my privacy at this time & I would appreciate the public respecting this. Thank you to those who are sending me messages of support and encouragement.

A photo posted by Ciara Sotto (@pinaypole) on

Jan 14, 2016 at 10:37pm PST

--FRJ, GMA News