Kapuso stars join Sinulog Grand Parade Festival 2016 in Cebu

Dinayo ng ilang artista ang makulay na selebrasyon ng taunang Sinulog Grand Parade Festival sa Cebu nitong nakaraang linggo.

Kasama ang mga turista at mga Pilipino mula sa iba't ibang panig ng bansa, nakisaya sina Gabby Concepcion, Solenn Heussaff, Camille Prats, Kris Bernal, Kylie Padilla, Katrina Halili, Ken Chan, Mark Herras, at marami pang iba sa pagbibigay-pugay sa milagrosong bata na si Señor Sto. Niño.

Ito na ang ika-36 na taon ng taunang cultural at religious festival sa Cebu, at bukod sa parada, ilang contingents rin mula sa iba't ibang sulok ng Pilipinas ang nagpamalas ng magarbong pagtatanghal.

Nagtapos ang pagdiriwang ng Sinulog Grand Parade 2016 nitong Linggo ng gabi.

—Bianca Rose Dabu/JST, GMA News