Kapuso, Kapatid, Kapamilya personalities join up at Oscar Oida-MJ Marfori wedding

Ikinasal na nitong Sabado, January 30, ang GMA reporter na si Oscar Oida at TV 5 showbiz reporter na si MJ Marfori sa San Agustin Church sa Intramuros, Manila.

Nasundan ito ng isang autumn-themed reception sa Palacio de Maynila.

Matatandaang nag-propose si Oscar kay MJ noong October 25, 2014 sa Bow Bridge, ang ikalawang pinakamatandang tulay sa Central Park, New York City.

Sa kasal na tinawag nilang "OMJ: The Merger," nagsama-sama ang mga personalidad mula sa iba't ibang TV networks—Kapuso, Kapatid, at Kapamilya.

Kabilang sa wedding entourage ng mag-asawa sina GMA news anchors Mel Tiangco, Mike Enriquez, Jessica Soho, Howie Severino, Arnold Clavio, Rhea Santos, Ivan Mayrina, Pia Arcangel, Kapuso host Lolit Solis, actress Bianca King, Kapatid actor Derek Ramsay, at News 5 head Luchi Cruz Valdes.

Naroon din si GMA Chairman and CEO Felipe L. Gozon.

Dumalo rin ang showbiz reporters mula sa Kapuso, Kapatid, at Kapamilya network, tulad nina Aubrey Carampel, Lhar Santiago, Nelson Canlas, Gretchen Fullido, IC Mendoza, Ginger Conejero, Dolly Anne Carvajal, at marami pang iba. —Bianca Rose Dabu/JST, GMA News