LOOK: Lovi Poe outshines Solenn Heussaff on 'Lip Sync Battle Philippines'

Isinantabi muna nina Lovi Poe at Solenn Heussaff ang pagiging magkaibigan para magpatalbugan sa kani-kanilang performance sa "Lip Sync Battle Philippines" nitong Sabado ng gabi.

Pero bago magsagupa ang mga sexy Kapuso star, humataw muna sa pag-lip sync ang mga host na sina Michael V at Iya Villania sa awiting "Sex Bomb" ni Tom Jones.

Sa first round, kuwelang ipinakita ni Solenn ang kaniyang girly moves sa awiting "Babae Po Ako" ni Tuesday Vargas.

Hindi raw kinabahan si Lovi sa ginawang iyon ng kaibigan na tinawag niyang "typical" Solenn.

Nang si Lovi na ang magpakitang gilas sa unang round, lumabas ang pagiging rakista ng aktres sa pinili niyag awitin na, "Ordertaker" ng Parokya Ni Edgar.

Sa second round ng labanan, unang sumalang si Lovi sa kaniyang "buwis-buhay" na performance sa pagkanta ng "I'm A Slave 4 U" ni Britney Spear.

Sexy at may pagka-acrobatic ang naturang number ni Lovi kung saan gumamit siya ng malaking pole para maglambitin.

Maging si Solenn, humanga sa ipinakitang production number ng kaibigan dahil hindi raw niya inakalang marunong itong sumayaw.

Samantala, kung babaeng-babae si Solenn sa first round, machong-macho naman ang actress-tv host sa pagkanta at pagsayaw sa awiting "Mr Suave" ng Parokya Ni Edgar.

Si Lovi, nagulat sa ginawa ni Solenn na tinawag niyang pogi dahil sa histura at bihis nitong panglalaki.

Nag-enjoy daw ang dalawa sa kanilang ginawang pagtutuos pero sa huli, ang piniling winner ng audience ay si Lovi.

-- FRJ, GMA News