Jennylyn Mercado takes early lead in ‘FHM 100 Sexiest 2016’

Nangunguna ang Kapuso actress na si Jennylyn Mercado sa listahan ng '100 Sexiest Women' mula sa sikat na men's magazine na FHM Philippines.

Kasunod ni Jennylyn si Miss Universe 2015 Pia Alonzo Wurtzbach, at ang mga aktres na sina Angel Locsin, Ellen Adarna, at Sam Pinto.

Pasok rin sa Top 10 sina Arci Muñoz, Jessy Mendiola, Jinri Park, Rhian Ramos, at ang voleyball player na si Rachel Ann Daquis.

Patuloy ang botohan para sa susunod na tatanghaling FHM's Sexiest Woman ngayong 2016.

Matatandaang nakuha ni Jennylyn ang korona bilang FHM's Sexiest Woman noong nakaraang taon.

Kabilang rin sa Top 10 noong 2015 sina Andrea Torres, Ellen Adarna, Sam Pinto, Solenn Heussaff, Angel Locsin, Jinri Park, Rachel Ann Daquis, Max Collins, at Alodia Gosiengfiao.

Nitong Enero, bumida ang aktres sa cover ng naturang men's magazine kasunod ng kaniyang back-to-back win bilang best actress sa Metro Manila Film Festival. —ALG, GMA News