'Alamat', unang Philippine show na winner ng 'Best of Festival Award' sa USIFVF

Napanalunan ng GMA animated anthology series na "Alamat" ang kauna-unahang "Best of Festival Award" ng isang Philippine show sa prestihiyosong US International Film and Video Festival.

Itinuturing na "Grand Prix" award ang naturang pagkilala na nakuha ng "Alamat."

Mula sa mga nanalo ng "Gold Camera Award" sa iba't ibang kategorya, nangibabaw bilang pinakamahusay ang "Alamat Ng Bayabas" episode.

Sa darating na Linggo ng hapon,  mapapanood ang season two finale episode ng "Alamat." -- FRJ, GMA News