Alamin kung bakit hindi umasa si Maine Mendoza na matatanggap siya sa 'Eat Bulaga' matapos mag-audition

Gaya ng ibang naging aplikante sa trabaho, inamin ni Maine Mendoza na hindi siya umaasa na makapapasok sa "Eat Bulaga" nang sabihan siya matapos mag-audition na, "antayin na lang ang tawag," na karaniwang sinasabi kapag nag-aaplay o nag-a-audition.

Pero laking gulat at tuwa ni Maine nang tawagan siya ng "Eat Bulaga" at isinabak kaagad sa segment na "Juan For All, All For Juan," bilang si Yaya Dub, na naging daan ng pagkakabuo ng kauna-unahang kalyeserye.

Ipinakita rin kung papaano ginampanan ni Maine ang karakter na "Sisa" na hinahanap sina Crispin at Basilio sa kaniyang pag-audition maliban sa pagpapangit ng mukha. Panoorin.

-- FRJ, GMA News