Behind the scenes of Kris Aquino's appearance at 'Yan Ang Morning!'

Bumisita sa Kapuso morning talk show na "Yan Ang Morning!" ang TV host-actress at Queen of All Media na si Kris Aquino upang maka-chikahan ang kaniyang inaanak at Kapuso Primetime Queen na si Marian Rivera.

Ito ang kauna-unahang pagkakataon na sasalang sa TV guesting si Kris matapos ang kaniyang halos dalawang buwang bakasyon sa ibang bansa kasama ang kaniyang mga anak na sina Josh at Bimby.

Bukod sa usapang nanay, nagturo rin ang Queen of All Media ng isa sa kaniyang recipe, habang tinuruan naman siya ni Marian ng flower arrangement.

Mapapanood ang guesting ni Kris sa "Yan Ang Morning!" ngayong darating na Biyernes, July 1. —JST, GMA News