Kris Aquino, may makahulugang mensahe sa mga supporter tungkol sa kaniyang career

Sa harap ng mga bali-balitang lilipat siya ng ibang network, nag-post sa Instagram ng makahulugang mensahe ang TV host-actress na si Kris Aquino para sa kaniyang mga supporter tungkol sa kaniyang career.

Sa kaniyang Instagram post, inilahad ni Kris ang ginawa umano niyang pagmuni-muni na sinuportahan ng kaniyang pamilya.

Iginagalang din daw niya ang pananaw ng iba sa kaniyang mga desisyon dahil batid niya na bahagi ang mga ito ng kaniyang career.

Sa kabila nito,  ginagawa umano niya ang lahat para maging "dedicated and passionate professional."

 

My family understood I needed some time to reflect and just be on my own... You all have a right to your opinions regarding decisions I've made & continue to make because you are all stakeholders in my career, and I need you... But I've also been praying that you will reciprocate the respect I've tried my best to consistently give you by being a dedicated & passionate professional. ??????

A photo posted by ???????? Kris Aquino (@kriscaquino) on

Aug 19, 2016 at 6:59pm PDT

Matatandaan na nag-post si Kris ilang linggo na ang nakararaan ng larawan habang kasama si Mr. Antonio Tuviera, ang namamahala ng APT Entertainment  at TAPE Inc., na nasa likod ng ilang programang napapanood sa GMA Network tulad ng longest running noontime show na Eat Bulaga.

Naglagay din ng mensahe si Kris sa isa pang post na nagsasaad na "Never Miss A Good Chance To Shut Up," na sinamahan niya ng caption na, " I can & I will... Let me shock you with my silence."

 

I can & I will... Let me shock you with my silence. ????

A photo posted by ???????? Kris Aquino (@kriscaquino) on

Aug 19, 2016 at 9:28pm PDT

-- FRJ, GMA News