Rocco Nacino on Sanya Lopez: 'She's wonderful, she's beautiful'

Hindi itinanggi ng Kapuso hunk na si Rocco Nacino na isa sa mga Sang-gre ng "Encantadia" ang labis niyang hinahangaan-- si Sanya Lopez.

Sa ulat ng GMA News "24 Oras" nitong Sabado, sinabing bukas sa pakikipag-date si Rocco ngayong single siya matapos ang breakup nila ni Lovi Poe.

Pero sa mga babaeng nali-link sa kaniya, sa kapwa Kapuso at ka-love team sa "Encantadia" na si Sanya Lopez, hangang-hanga si Rocco.

"Crush-material definitely. Sa costume pa lang kita mo, kaakit-akit ang hitsura. Sabi ko, 'Sanya, grabe 'yung abs mo.' Ang lakas-lakas kumain pero sexy pa rin," nangingiting kuwento ni Rocco.

"She's wonderful, she's beautiful. Sino ang hindi magkakagusto sa kanya," dagdag ng aktor. -- FRJ, GMA News