Boobay, nakalabas na ng ospital matapos ma-stroke

Matapos ang mahigit isang linggong pagkakaratay sa ospital dahil sa pagkaka-stroke, nakalabas na ng ospital ang Kapuso host-comedian na si Boobay.

Ito ang ibinalita ng partner ni Boobay na si Kent Juan Resquir sa pamamagitan ng Instagram post nitong Miyerkules.

Saad ni Kent sa naturang post, "“Boobay is now discharged from the hospital; fully recovered from the weakness due to complete bed rest but still needs continuous medication and speech therapy."

Patuloy pa niya, "So far, he’s doing a great job at it. Let us continue praying for his early comeback at the stage.”

 

A photo posted by Kent Juan Resquir (@kentjuanresquir) on

Dec 7, 2016 at 12:44am PST

Nitong Martes, ibinalita rin ni Kent na patuloy na bumubuti ang kalagayan ni Boobay na sumasailalim sa speech therapy.

November 27 nang isugod sa ospital at ilagay sa intensive care unit si Boobay dahil sa stroke na nakaapekto sa kaniyang pagsasalita. -- FRJ, GMA News