May galit ba si Andrea Torres kay Sef Cadayona?

Sa 'Basa-Basa Pik' segment ng Bubble Gang nitong Biyernes, si Sef Cadayona ang sumalang sa pool matapos hindi magwagi ang mga boys laban sa mga girls.

Nang mabigo si Sef sagutin ang life-saver question, nagkaroon si Andrea Torres ng pagkakataon na ilublob ang comedian sa pool. Ilang beses kaya niya tinamaan ng bola ang button?

Bagama't hindi tuwirang umamin sa kanilang relasyon, naging usap-usapan ang namagitan kina Sef at Andrea, ngunit napabalitaang naghiwalay din sila noong Disyembre 2016. — Jamil Joseph Santos/LA, GMA News