Dahil nagpo-post na rin ng kaniyang mga bikini photos, sinagot ni Analyn Barro kung handa na siya para sa mature roles o mag-pose para sa mga men's magazine cover.
Kamakailan, maraming netizens ang pinusuan ang bathtub post ni Analyn.
"Well actually, location shoot siya ng taping namin. So parang since meron namang bathtub na merong nagpa-pop, sabi ko 'Try natin mag-shoot ng ganito.' Never ko pa naman na-experience na may jacuzzi na ganoon," paliwanag ni Analyn sa isang video ng GMANetwork.com.
"So, 'yun, nag-try ako, nag-picture lang ako and hindi ko in-expect na [mag-viral]," anang aktres.
Dahil dito, tinanong si Analyn kung handa na siya para sa mga men's magazine cover o mature roles.
"Magtu-24 na ako this year. Siguro mga 25? Joke!" pabirong sabi ni Analyn.
"Siguro mga 25 okay na ako sa ganiyan. Siguro kailangan konting ano lang, konting usap pa sa ganoon. Well actually nagpo-post naman na ako ng mga bikini photos, ganiyan, pero medyo tamed pa, medyo conservative pa nang konti."
Ayon kay Analyn, "Pero kailangan ko pang kausapin 'yung dad ko regarding that."
May payo naman si Analyn para ma-achieve ang healthy body.
"Eat healthy. Kasi sa diet din talaga 'yan eh. You are what you eat eh. 'Yun 'yung pinakamaa-advice ko. Exercise and eat healthy," sabi ng Bubble Gang star.
—Jamil Santos/LBG, GMA News
