Geoff Eigenmann all set for Rosalinda

MANILA, Philippines – Kanyang nakuha what is probably the biggest break in his life nang alukin siya ng isang role na kahit sinong aktor ay nanaiisin. At laking pagpapasalamat ni Geoff Eigenmann sa once-in-a-lifetime opportunity na ibinigay sa kanya. "I came here to GMA, tapos 'yung manager ko, si Perry [Lansigan], wanted me to have a meeting with [GMA executive] Tita Lilybeth [Rasonable] – and ayun, sila ang nagsabi sa akin na I was going to be Fernando Jose. 'Yun 'yung sinabi sa akin," banggit ni Geoff Eigenmann when iGMA asked how he secured the role of Rosalinda's Fernando Jose. Pero, considering that he is a more seasoned actor than his co-star, Carla Abellana, ibig sabihin ba nito walang halong kaba ang kanyang pagganap sa role na ito? "Yeah, mayroon din," pag-amin ni Geoff. "Kasi it is her first time doing a show. Kahit 'yung mga guestings before, hindi pa niya nagagawa. So this is going to be her first acting job talaga. So for me naman, ako rin I'm nervous, this is my very first big, big project with GMA. Sigurado na they're expecting something from me. Kasi as Fernando Jose, 'di ba, strong character talaga eh. So 'yun. 'Yun lang 'yung pressure." At ani pa ni Geoff na talagang pinaghahandaan na nila talaga ang bawa't character nila –starting from their acting workshops to watching the original episodes of Rosalinda: "Binigyan kami ng copies ng show – 80 episodes total, halfway there. Pinag-aaralan ko talaga. Ang daming preparations na ginagawa. I'm watching the whole series, nagpa-piano lessons ako, kasi si Fernando Jose musician-lawyer. And with Carla din naman, nagwo-workshops kami. We're getting to know each other." Balita din ni Geoff sa amin na silang dalawa ni Carla ay mas lalong nagiging close sa isa't-isa. Kanyang kuwento, "Okay kami. We're doing really well, getting to know each other more. 'Yun nga, nagwo-workshops kami, as in may days na buong araw magkasama kami, and 'yun, I'm getting to know her more and more. And I'm really happy. Excited ako na magsimula na kami, para magka-eksena kami." At nag-agree naman si Geoff na ang mga panibagong elements na i-introduce sa Rosalinda ay kasing exciting ng bago nilang tambalan. "I guess isa din 'yun sa mga aabangan nila when the show comes out. Kami naman ni Carla, we're both game, we're both giving more than a hundred percent for this show. So all out talaga [kami]," ang kanyang pahuling banggit sa amin. - Erick Mataverde, iGMA.TV