iGMA: Jay Manalo as a father

Isang ama na noong umpisa ay aakalain mong tamad at lulong sa bisyo ang karakter ni Jay Manalo sa All My Life. Pero ganito rin kaya siya in real life? "My role is of the father of Jules, played by Aljur Abrenica, father na naman," sabay tawa ni Jay. “Actually last project ko rito sa GMA e father din nung ating nawalang kaibigan na si Marky (Cielo) dun sa Zaido," kwento ni Jay sa iGMA tungkol sa role niya bilang si Gary Romuladez sa All My Life. “I'm happy na ako ang napili nila ulit ako dito sa project na ito," sambit ng premyadong aktor. In addition to this, All My Life is not Jay’s first time to work with Kris Bernal at Aljur, nakasama rin niya ang mga ito sa parehong proyekto nila ni Marky: "Nakatrabaho ko na rin naman sila Kris at Aljur sa Zaido, so hindi na bago para makasama ko sila, pero 'yung iba rito siyempre mga bago kong nakasama. So ayun adjustment din ng work ethics." "Its time for them to step up, and its not a wrong decision to put the two of them in their own show sa prime time slot," ayon kay Jay. At bilang ama ni Jules sa show, pakiramdam din niya na may responsibilidad siya sa pag-improve ng craft ni Aljur. "Kung ano ang nabibigay sa akin ng mga tao na nag-a-advise sa akin noong bago ako, ibibigay ko rin naman kay Aljur, [sasabihin ko], 'O teka muna Aljur, hindi ka muna si Aljur at hindi ako si Jay, eto tayo, bilang mag-ama na Gary at Jules.' Ganun," paliwanag niya.

Alam din ng mga manonood na ang character ni Gary sa All My Life ay sa kakainisan sa umpisa dahil sa kanyang paglalasing at pang-aabuso sa pamilya. Pero makikita natin sa mga huling episode na may malalim na rason sa kanyang pagdaramdam. Dahil dito, tinanong namin si Jay kung may kaunting parallelism ba si Gary sa kanyang pagkatao in real life dahil sa effective niyang portrayal sa show. "Ako kasi, ano naman ako when it comes to work ‘pag nasa harap na ng camera and then nagro-roll na [ang cameras], I'm not Jay Manalo anymore. I'm the character. Sa akin naman, lahat ng work ko pinagbubuti ko naman, lahat ng ginagampanan kong role [ay] ginagawa ko naman," sagot niya. Idinagdag nito na may sarili siyang approach sa lahat ng roles niya even if mahanay siya sa mga batikang mga artista. "Meron naman akong, kahit papaano, hindi natin masasabing perfect [na methods], may mga flaws din tayo. [At] hindi [ko] naman sinasabi kasi may katapusan ang pag-aaral ng pag-akting. Walang katapusan po ‘yan at may kanya-kanyang method at may kanya-kanyang approach kung papaano gawin ang isang role at character, at kung ano ang maitutulong sa istorya." Bago magtapos, ibinanggit ni Jay na aside from acting, busy din siya sa pagiging isang ama in real life: "Sa role ko bilang ama (sa totoong buhay) eh 'yan ang aking pinagkakaabalahan rin ngayon." - Erick Mataverde, iGMA