iGMA: Eva Castillo story touches Manilyn Reynes

Inamin ni Manilyn Reynes na marami silang pagkakapareho ni Eva Castillo, kabilang na ang pagsali sa mga singing contest noong bata pa sila. Pero ano nga ba sa istorya ni Eva ang nagpaiyak at nagpahanga kay Manilyn? Very vocal si Manilyn na naantig siya sa naging buhay ni Eva at pinahanga siya nito. Sa una pa lang nilang pagkikita, naka-kwentuhan na niya ang dating mahigpit na karibal ni Regine Velasquez sa mga amateur singing contest. "Actually first time ko siyang nakilala when we had to sing para sa Mel & Joey. We sang together…for promo na rin para sa story niya for SRO. Dahil madaldal ako, na-interview ko na siya. Nakakaiyak talaga ang kwento ni Eva," pagbabahagi ni Manilyn o Mane’ sa mga kaibigan. She adds na naka-relate siya sa life story ng kababata ni Regine dahil halos pareho sila ng pinanggalingan. "Close to my heart din 'yung first part [ng story ni Eva] kasi singing eh. Nagsi-singing contest din ako before, so alam ko kung ano ‘yung pinagdaanan niya." But Manilyn considers herself lucky dahil hindi niya pinagdaanan ‘yung mga hirap na naranasan ni Eva noong nagsisimula pa lang ito. "Meron daw nangungutya sa kanya; sa akin naman, luckily wala. Hindi naman ako umabot sa mga pangungutya na ganun pero I know how it is. Masakit talaga kapag binubuska ka [sa mga contest]." The singer/actress continues that she discovered the real reason kung bakit bumaba ng husto ang self esteem ni Eva. "What really stopped her in her younger days daw nung sinabihan siya na, 'Bakit ka kasi papasok sa Bagong Kampeon?.’ After Regine siya na dapat ang papasok [sa contest] pero sinabihan daw siya na, 'Uy bawal ang pangit dun,'" kuwento pa ni Mane’. Marami pang parts sa buhay ni Eva naka-identify si Manilyn, including the love and sacrifices Eva made for her children. "Kahit siguro pagbalik-baliktarin pa ang mundo, siguro nga corny na pakinggan ang pagmamahal ng nanay sa isang anak. Hindi mo talaga matutumbasan at kahit kailan hindi mo pwedeng ipagpalit," pahayag nito. “Kahit kanino, kahit saan mo dalhin ‘yan, talagang ipaglalaban at ipaglalaban mo rin ‘yan. At ganun nga din si Eva. Alam ko kung gaano niya kamahal 'yung mga anak niya. Alam ko kung gaano niya sinusubukan na gawin lahat para sa kanila," emosyunal na pagtatapos ni Manilyn. Panoorin ang inspiring story ni Eva Castillo sa SRO Cinemaserye, every Thursday night right after GMA Telebabad. - Loretta G. Ramirez, iGMA