iGMA: What makes Jolina Magdangal happy?

Fans excitedly waited para lamang maka-chat si Jolina Magdangal last April 6, when she visited iGMA.tv. Kaya naman naging candid and very open si Jolens sa pagsagot sa kanilang mga tanong. Blooming at bihis na bihis si Jolina nang dumating sa studio para sa kanyang iGMA Live Chat last April 6. Happiness ang naging theme ng mga kasagutan ni Jolina, at obvious na talaga namang masaya siya sa takbo ng kanyang buhay ngayon. Unang-una sa lahat ay happy siya sa kanyang mga fans na patuloy na sumusuporta sa kanya, lalo na’t maraming fans sa ibang bansa na nagparating ng kanilang pagmamahal sa kanilang idol. “Talagang naghihintay daw sila kanina pa, ilang oras," excited na ikinuwento ni Jolina after the two-hour live chat.

Inasahan na niyang may mga magtatanong tungkol sa kanyang new look. “Walang nagforce… gusto ko ito," sagot ni Jolens sa isang fan na nagtanong kung may pumilit sa kanya na baguhin ang kanyang image. “Inulit ko lang din yung mga ginagawa ko dati na may touch ng kung ano ‘yung ngayon," dagdag pa ni Jolina sa interview after the exclusive event. Love life But Jolina’s face lights up even more tuwing pinag-uusapan na ang kanyang boyfriend na si Mark Escueta ng band na Rivermaya. “Masayang-masaya," sagot ni Jolens sa isang fan nang kumustahin nito ang love life ng dalaga. Last Holy Week, magkasama daw sila and her family sa kanyang rest house sa Tagaytay. “In-invite siya ng family namin, so kasama siya dun, nag-ikot-ikot kami sa Tagaytay, tapos nag-church kami," nakangiting kuwento ni Jolina sa kanyang interview. Nang maikumpara naman si Jolens kina Judy Ann Santos at Claudine Barretto, na may kanya-kanya nang pamilya ngayon, at tanungin siya kung kailan naman niya balak magpakasal, ang sagot ni Jolens, “Siguro kapag time ko na. Kasi sila time na nila. Ako siguro ‘pag time ko na." Pabiro pa niyang idinagdag na: “At parang nase-sense ko na siya. Ay biglang ganun! Hindi, pero ano, dadating, dadating ‘yun." Panday Kids Ipinaliwanag din ni Jolina ang tungkol sa kanyang pagganap sa isang supporting role sa Panday Kids. “Alam niyo, sa pagiging artista, minsan di mo na laging iisipin kung lead ka o hindi e. Yung nangyari sa Panday Kids, tingin ko hindi ibibigay ‘yung role sa’yo kung hindi ka nakatahi sa mga bata. Lalo na ngayon tumatagal ‘yung soap opera, so may mga bagong mangyayari. Yung role na pinresent sa amin, nakatahi yun," kanyang paliwanag. “Pero aminado kami na itong mga batang ito ang bida dito." Kung hindi kayo nagkaroon ng chance na maka-chat ng personal si Jolina ay marami naman siyang mga projects na aabangan ng mga fans. Kasama na dito and second issue ng kanyang magazine na Jolie na lalabas this May. Patuloy din siyang mapapanood sa Panday Kids, weeknights sa GMA Telebabad, at sa Party Pilipinas every Sunday. - Karen de Castro, iGMA