iGMA: Regine Velasquez thankful for her experience on Diva's creative team

Paganda nang paganda ang mga eksena at showdown nina Melody at Tiffany sa Diva. Kaya naman masaya si Regine Velasquez sa tinatakbo ng show kung saan parte siya ng creative team. Sinabi ni Regine na nag-e-enjoy siya sa paggawa ng Diva. Kaya naman nang binisita siya ng iGMA.tv sa set nito, she readily agreed for an exclusive interview about the show. "We’re all enjoying it. And I've talk to the cast, si TJ [Trinidad], even our guest, si Rachelle [Ann Go], they all enjoy doing the show," kuwento ng Asia's Songbird. Pero satisfied ba siya sa kinalabasan at execution ng concept niya? "Hindi naman akin lang, this is talagang a team effort and I always say nga na I'm really very thankful to Don Michael [Perez] and the rest of the writers for giving me the chance to make pakialam bilang pakialamera lang ako, for making me a part of the creative team and the think tank," natatawang kuwento ng actress-singer. Nagbibigay din ba siya ng input sa mga songs at production numbers ng Diva? "Oo, pero minsan ‘pag sinulat nila nandun na 'yung particular song tapos ‘pag meron akong song in mind I tell them. Meron din akong suggestion minsan na scenario kung paano gagawin kasi basically naman alam namin kung paano tatakbo 'yung story so ganun na lang magsu-suggest na lang ako ng ganito, kung ano 'yung appropriate dun sa scene," paliwanag niya. Patuloy pa ni Regine, "Minsan kasi parang siyempre writers sila so hindi na nila maiisip kung anong kanta, although all of them are inspired to write for Diva pati kanta nasusulat na nila. Dati tinatanong pa nila ako, ngayon hindi na, kasi alam na alam na nila kung anong gagawin pati yung mga songs nireresearch na nila, so happy talaga!" At dahil nga hindi basta drama or comedy itong Diva hindi ba siya nahihirapan sa requirements ng show, bilang isa itong kantaserye? "Kasi minsan ‘pag nagso-soap ako parang nakakalimutan ng tao na singer ako. So at least dito I get to do two things that I love doing singing and acting," she said. "Actually ayaw na nga namin mag-end muna ang Diva kahit kausapin mo si TJ malulungkot din 'yun kasi he enjoys being in the show. He loves doing the show. I always look forward to our taping days even Mark [Anthony Fernandez], he's happy. All of us are happy," sambit pa ni Regine. But as they say all good things must come to an end, kaya naman huwag palampasin ang mga natitirang episodes ng Diva, weeknights sa GMA Telebabad. – Loretta G. Ramirez, iGMA.tv