Sikreto ng pagpayat ni Joshua Dionisio, ibinisto ng mga kapwa tween star

Marami ang nakapansin sa malaki ang nabawas sa timbang ng Kapuso tween star na si Joshua Dionisio. Sa Showbiz Exclusive ng GMA News TV nitong Huwebes, idinaan sa biro ni Joshua ang sagot nang tanungin siya kung ano ang sikreto ng kanyang pagpayat. “Wala po kong makain, joke lang!" natatawang sagot ng young actor. Pero pagbisto ng kanyang mga kapwa tween star, madalas daw mag-gym at nagda-diet ang binata. Bukod dito, kahit umano sa set ng kanilang taping ay laging nagsi-seat ups si Joshua para lumiit din ang kanyang tiyan. – FRJ, GMA News