Heart Evangelista, inaming 'dating' na sila ni Sen. Chiz Escudero

Umamin ang Kapuso actress na si Heart Evangelista na "dating" sila ni Senador Francis "Chiz" Escudero. Ayon sa ulat ni Mariz Umali sa Balitanghali nitong Linggo, masayang ikinuwento ng aktres na sa likod ng seryosong imahe ng Senador ay isang makulit at mabait na lalaki. Dagdag pa ni Heart, masaya raw siya sa tuwing lalabas silang dalawa para mag dinner. Ayon naman kay Sen. Miriam Defensor-Santiago, napansin daw niyang showbiz at pretty boy type ang nakakasama ni Heart kaya naman ipinakilala niya si Sen. Chiz sa dalaga. Biro pa ni Santiago, marami pa raw isyang pwedeng ipakilala kay Heart. — Mac Macapendeg/BM, GMA News