Mark Herras in new Fantastic Man

Last March 12, nag-pictorial na ang pinakabagong project ni Mark Herras, ang serialization ng 2003 Metro Manila Film Festival (MMFF) movie ni Vic Sotto na Fantastic Man. Binili ng GMA-7 ang rights sa pelikula ni Vic, na original concept ng comedian, na dinevelop for the yearly film festival as a follow-up for his 2002 MMFF entry, Mars Ravelo's Lastikman. Ito ay pagkatapos hindi naibigay kay Vic sa pangalawang pagkakataon ang Mars Ravelo classic. Ang Viva Films ang gumawa ng sariling version nito ng Lastikman, starring Mark Bautista and Sarah Geronimo, na naging entry naman sa 2004 MMFF. Dahil mas mahaba kaysa sa isang regular movie, mas lumawak din ang kuwento at mas dumami ang characters sa TV version ng Fantastic Man, na ididirek ng actor-director na si Zoren Legaspi, who also directed the now-defunct fantasy series Fantastikids. Mark Herras will play the role of Fantastic Man and he will have two leading ladies—as against one lang, si Ara Mina, sa movie ni Vic—StarStruck II Ultimate Female Survivor Ryza Cenon and StarStruck III Ultimate Female Survivor Jackie Rice. Bukod sa dalawang StarStruck girls, pasok din sa cast ng Fantastic Man sina Nicole Anderson and Jenny Miller. Si Joey Marquez ang gaganap ng Michael V role na scientist friend ni Fantastic Man. Pasok din sa serye sina Paolo Contis, Keempee de Leon, Benjie Paras, Pen Medina, Ms. Gloria Sevilla, Miguel Tan Felix, and in a very special role, si Ariel Rivera. Kakaiba ang Fantastic Man sa ibang Sine Novela being developed simultaneously like Sinasamba Kita. Ang iba kasing Sine Novela, magkakaroon ng soap format, as in five times a week telecast, whereas ang Fantastic Man, once a week lang ang telecast. - Philippine Entertainment Portal