Rica Peralejo, ganap nang mommy matapos magsilang ng malusog na baby boy

Nagsilang na ang aktres na si Rica Paralejo ng isang malusog na baby boy nitong Biyernes sa St. Luke’s Hospital.

Ang sanggol ay pinangalanang Philip Nathaniel, na first baby nina Rica at ng kanyang asawa na si Joseph Bonifacio.

Our very first family photo ?????? josephbonifacio http://t.co/dn3mdRaIfg

— Rica Pera-Boni (@ricaperalejo) January 17, 2014

Matapos makapanganak, sunod sunod ang post sa Instagram account ng aktres ng mga larawan ng kaniyang baby at mga bumisita sa kanila sa ospital.

Ayon sa aktres, "Sorry for flooding, but I am just in love with my precious little boy."

Sa isa pang post, sinabi ni Rica na 7 pounds 11 ounces ang kaniyang baby na itinuturing niyang "God’s gift to us!" -- FRJ, GMA News