Vina Morales breaks up with Cedric Lee?

Walang malinaw na sagot si Vina Morales tungkol sa napapabalitang hiwalayan nila ng kanyang non-showbiz boyfriend na si Cedric Lee. Sa taped interview ng The Buzz kay Vina noong March 18, sinabi nito na, "It became very complicated. I'm just thankful ipinagtanggol niya ako sa press. He wrote a letter. He's been separated before I met him so I did not wreck a family, because there is nothing to wreck." Dagdag pa niya, "I'm not confirming anything but we're very much loving each other. Bahala na. If someone doesn't want to let go, then mahirap yun, di ba? Ganun ang buhay." Kinumpirma rin ni Vina ang balita na nais ng mga taong malalapit kay Cedric na makipagbalikan na siya sa kanyang dating asawa. Ayon kay Vina, "Mga ka-close nila wanted them to get back together after a long time na naghiwalay sila. I did not even get details, whatever reason it is. Patching them up together, then I wish them well." Aminado si Vina na wala siyang magagawa kung saka-sakali dahil hindi pa nga legal ang separation ni Cedric sa kanyang asawa. Matatandaang marami ang tutol sa naging relasyon nilang dalawa sa dahilang mayroon na ngang pananagutan si Cedric. Bilang pagtatanggol kay Vina, nagpadala si Cedric ng liham sa mga entertainment columnists na nagbibigay-linaw na hindi homewrecker si Vina. Idiniin niya na matagal na siyang hiwalay sa asawa niya bago sila nagkarelasyon ni Vina. "He asked for an annulment before, pero hindi ibinibigay. So right now, masyadong magulo," pag-amin ni Vina. Pero ayon kay Vina, sa kabila ng kanilang kumplikadong sitwasyon, nananatili naman ang kanilang pagmamahalan sa isa't isa. "He said that I will always be in his heart and he'll always be thinking of me wherever he is, whatever happens," sabi ni Vina. Patuloy niya, "Of course, we wanted to get married. That's our dream. That's why we fight for each other. "The love of your life is gone. We're both hurting. Hindi ko masabi kung maka-move on. I don't know until when. I just have to be strong," pangwakas na pahayag niya. - Philippine Entertainment Portal