My Husband's Lover, big winner sa 5th Golden Screen TV Awards; GMA-7, wagi bilang Outstanding TV Network

Nag-uwi ng maraming parangal ang mapangahas na primetime series ng GMA-7 na My Husband’s Lover sa 5th Golden Screen TV Awards na ginanap nitong Biyernes ng gabi sa Teatrino Greenhills sa San Juan City.  Kinilala naman ang GMA Network bilang Outstanding TV Network. Kabilang sa awards na nakamit ng "gayseryeng" My Husband’s Lover ay: Outstanding Original Drama Program Outstanding Actor in A Drama Program: Dennis Trillo Outstanding Actress in A Drama Program: Carla Abellana Outstanding Supporting Actress in A Drama Program: Glydel Mercado Outstanding Supporting Actor in A Drama Program: Kevin Santos Iba pang awards sa Kapuso Nakamit naman ng GMA series na Temptation of Wife na pinagbidahan nina Marian Rivera, Dennis Trillo, Glaiza de Castro at Rafael Rosell, ang pagkilala bilang Outstanding Adapted Drama Program. Ang Temptation of Wife ay Pinoy version ng hit Koreanovela. Kinilala naman bilang Outstanding Comedy Actor si Michael V para sa Pepito Manaloto, na nag-uwi rin ng parangal bilang Outstanding Comedy Program.   Ipinagkaloob sa batikang aktres na si Nova Villa ang award para sa Outstanding Supporting Actress in a Gag or Comedy Show sa kaniyang pagganap sa Pepito Manaloto. Ang Bubble Gang naman na kinabilangan din si Michael V ang itinanghal na Outstanding Gag Show. Habang Outstanding Supporting Comedy Actor si Sef Cadayona para sa Bubble Gang. Napunta sa Eat Bulaga ang parangal bilang Outstanding Variety Program, at si Alan K ang Outstanding Male Host in A Musical/Variety Program para sa Eat Bulaga! Samantala, ang Saturday game show na Celebrity Bluff ang Outstanding Game/Talent Program, at ang host nito na si Eugene Domingo ang kinilalang Outstanding Game/Talent Program Host. Nakamit naman ni Ruru Madrid ang Outstanding Breakthrough Performance by An Actor para sa Dormitoryo. Sa 50 ipinamigay na awards, 28 ang nakamit ng GMA-7 at GMA News TV. Kabilang dito ang Outstanding TV Network para sa GMA Network. Outstanding Magazine Program - Kapuso Mo Jessica Soho Outstanding Magazine Program Host - Jessica Soho (Kapuso Mo Jessica Soho) Outstanding Public Service Program - Wish Ko Lang Outstanding Public Service Program Host - Vicky Morales (Wish Ko Lang) Outstanding Documentary Program - Reel Time Outstanding Documentary Program Host - Kara David (I Witness) Outstanding News Program - State of the Nation: Hagupit Ng Bagyong Pablo Outstanding Education Program - Tropang Potchi Outstanding Education Program Hosts - Tropang Potchi Kids (Tropang Potchi) Outstanding Natural History Wildlife Program - Born To Be Wild Outstanding Natural History Wildlife Program Host - Ferdinand Recio (Born To Be Wild) Ang Golden Screen Awards ay pinamamahalaan ng Entertainment Press Society (EnPress) sa pamumuno ni Jun Nardo. -- FRJimenez, GMA News