WATCH: Luis Alandy, hinampas daw ng bag ng isang lola sa mall

Published April 14, 2015 12:56pm

Bilang isa sa mga sikat na aktor sa Pilipinas, nagkaroon na ng pagkakataon si Luis Alandy na maging isang bida at kontrabida sa mga programa at pelikulang kinabilangan niya.

Hindi man daw siya mahilig mamili ng tatanggapin na role, mas nais niya umanong maging bida upang mahalin naman siya ng mga manonood.

Noong nag-kontrabida daw kasi siya sa isang palabas, nagalit ang isang lola nang makita siya sa mall at hinampas siya ng bag, kwento niya sa 'The Ryzza Mae Show' nitong linggo.

Muling mapapanood si Luis sa upcoming soap na 'The Rich Man's Daughter' kasama ang Kapuso Primetime Queen na si Marian Rivera, pati na sina Chynna Ortaleza, Glaiza de Castro, Katrina Halili at marami pang iba. — Bianca Rose Dabu/RSJ, GMA News

Tags: luisalandy