Rachelle Ann Go, binigyan ng standing ovation sa kanyang performance sa ‘Les Miserables’

Unang gabi pa lamang ng performance ng Filipina singer and stage actress na si Rachelle Ann Go bilang Fantine sa pinakabagong revival ng longest-running musical na 'Les Miserables' ay pinabilib niya na ang theater enthusiasts na sumadya sa London upang mapanood ang sikat na musical play.

 

Ayon sa ulat ng 'Chika Minute' ng 24 Oras nitong Miyerkules, binigyan agad ng standing ovation ang Kapuso artist matapos niyang maantig ang puso ng audience dahil sa kanyang pagganap.

 

Kabilang sa mga bumilib kay Rachelle ang British fan na si Samuel Zernig na ibinahagi pa sa kanyang social media accounts ang saloobin niya hinggil sa musical play at ang labis na paghanga rin kay Rachelle bilang isang stage performer.

 

“Rachelle was superb as Fantine! Saw Patti Lupone, Sierra Boggess and quite a few other people in this role, but Rachelle played it the most convincing. Very vulnerable with a crystal clear and big voice. I thought that this role, played by an Filipino actress, gave it an really interesting twist. You really saw that she was desperate to keep her purity and dignity,” aniya.

 

Dagdag pa ng theater enthusiast, “Also they adapted the classic Fantine look for her. She has a brown wig, which works really great. In addition to it, she is really good at dying. People around me started weeping. No wonder she got an instant standing ovation! Go and see it!”

 

 

 

 

 

Samantala, inamin naman ng award-winning stage actress, na gumanap rin bilang 'Gigi' sa West End revival ng “Miss Saigon,” na kinabahan siya sa unang gabi ng kanilang performance. 
 

Gayunpaman, nagpasalamat siya sa mga katrabaho at mga naging kaibigan na bahagi rin ng cast dahil sila umano ang nagpalakas ng kanyang loob.

 

Kwento ni Rachelle sa isang Instagram post, “OPENING NIGHT! Iam still floating! I was sooo nervous last night but I had fun!”

 

“I am glad to share the dressing room with these lovely girls (Zoe as Cosette, Carrie as Eponine, and Katy as Madame Thenardier!) Now, I can relax and enjoy my character more! This is going to be an amazing year! Aaahh!! Thank you Lord for being with me the whole time,” dagdag pa niya.

 

 

— Bianca Rose Dabu/RSJ, GMA News