GMA Brandtalk
Tracking
Archives
Iza Calzado, Carla Abellana hope to be part of ‘Heneral Luna’ follow-ups
Kabilang ang mga aktres na sina Iza Calzado at Carla Abellana sa mga humanga sa historical biopic na “Heneral Luna” ng direktor na si Jerrold Tarog, na nagsimulang ipalabas nitong nakaraang linggo lamang.
Matatandaang umani ng papuri mula sa mga manonood ang historical biopic ng isa sa mga kontrobersiyal na bayani ng bansa na si Antonio Luna, na namatay sa kamay ng mga kapwa rebolusyunaryong Filipino.
Ayon sa "Karelasyon" host na si Carla Abellana, “If you've been wanting and waiting for a GREAT quality Filipino film then this one won't disappoint. You have my word. Watch the movie and see how we once had a bad-ass Philippine General who had an awesome sense of humor.”
Paliwanag naman ni Iza sa isang Instagram post nitong Sabado, masaya siyang makapanood ng pelikula na hindi lamang nakakaantig ng puso at isip kundi mahalaga rin bilang bahagi ng kasaysayan ng mga Pilipino at ng ating bansang Pilipinas.
Nagpapasalamat siya sa lahat ng naglaan ng talento at oras upang mabuo ang obrang ito.
“Saw this film last night and I felt so good after watching it because I was so happy to see a film that matters not just to the hearts and minds of Filipinos but the history of our country. I love that someone (or a company) was courageous (and rich! Hahaha!) enough to invest in such an ambitious project,” aniya.
Dagdag pa ni Iza, “The production design was so good, the cinematography, the vision of the director, the actors (John Arcilla Halimaw ka!!! At Isa pa yang si Nonie Buencamino, kainis din!!!!) and the story was both informative and highly entertaining (a historical movie with humor was not what I expected but IMO it worked!!!)”
Napapabalitang bahagi ng isang trilogy ng historical biopics ang “Heneral Luna,” at dahil sa kanilang labis na paghanga sa nasabing pelikula, nag-presenta na ang dalawa na maging bahagi ng mga maaaring susunod na bahagi ng naturang trilogy.
Inanyayahan nila ang lahat ng tangkilikin ang “Heneral Luna” upang matuloy ang mga planong susunod na pelikula.
Ayon kay Carla, “I would do anything to be part of any of those succeeding films (and i pray that i'll be allowed to), even if i play the role of an extra who just happens to be passing by. That's how amazing #HeneralLunaTheMovie was made that i immediately want to be part of the sequel.”
“The fact of the matter is, you guys have to watch #HeneralLuna first for it to succeed in the box office. And trust me, it's WORTH EVERY CENT. Walang halong biro. Walang halong bola,” dagdag pa niya.
Umaasa naman si Iza na magkaroon pa ng maraming pelikulang Pilipino gaya ng “Heneral Luna,” na pinalakpakan pa umano ng mga manonood matapos ang pagpapalabas nito sa sinehan.
Aniya, “I'm so hopeful that Philippines will start to produce more films like this, I think I'm not the only one who feels this way because as the credits started to roll the movie theater I was in started to give the film a big round of applause.”
“So to the producers and creative team of this film, I would certainly like to read for a part for the next 2 films you have lined up. And for you guys who haven't seen this film, will you PLEASE head over to the cinema and watch it. Mabuhay Ang Pelikulang Pilipino,” dagdag pa ng aktres.
A photo posted by Carla Abellana (@carlaangeline) on
Bukod kay Iza at Carla, kabilang rin sa mga nagpahayag ng paghanga sa nabanggit na pelikula ang mga Kapuso star na sina Lovi Poe, Rhian Ramos, Regine Velasquez, television host na si Tim Yap, batikang direktor na si Jose Javier Reyes, at maging si Sen. Sonny Angara.
Tinatalakay sa "Heneral Luna" ang makulay na buhay at kabayanihan ni Luna na inilalarawan ng iba bilang kontrabida noong panahon ng rebolusyon.
Makikita rin sa pelikula ang masalimuot na katotohanan na sa gitna ng giyera laban sa mga Amerikano, hindi lamang mga banyaga ang kalaban ni Luna kung hindi maging ang mga kapwa-Pilipino, kabilang na si dating Pangulong Emilio Aguinaldo.
Maging ang bida sa pelikula na si John Arcilla ay aminadong malaki ang respeto at paghanga sa bayaning Pilipino na kaniyang ginampanan.
Ayon kay John, “This particular project is really memorable kasi for the first time, sabi nga ng mga writers saka ni Jerrold, we have an anti-hero hero or we have an anti-hero protaganist, we have an antagonist-protaganist. Nagkaroon na ng ganyan sa Disney, si Maleficent. Ito naman talagang totoong tao. Everybody hates him but he is actually the person who is on the right track.”
Kabilang rin sa mga bumida sa “Heneral Luna” sina kasama sina Mon Confiado, Epi Quizon, Archie Alemania, Joem Bascon, Nonie Buencamino, Leo Martinez, Ketchup Eusebio, Ronnie Lazaro, Aaron Villaflor, at marami pang iba. — Bianca Rose Dabu/BM, GMA News
