Oscar Oida-MJ Marfori wedding brings Kapuso, Kapatid, Kapamilya personalities together

Nagsama-sama ang mga personalidad ng Kapuso, Kapatid, at Kapamilya Network sa naganap na kasal ng GMA reporter na si Oscar Oida at TV 5 showbiz reporter na si MJ Marfori sa San Agustin Church sa Intramuros, Manila noong January 30.

Nasundan ito ng isang autumn-themed reception sa Palacio de Maynila.

Sa kasal na tinawag nilang “OMJ: The Merger,” kabilang sa entourage sina GMA News anchors Mel Tiangco, Mike Enriquez, Jessica Soho, Howie Severino, Arnold Clavio, Rhea Santos, Ivan Mayrina, Pia Arcangel, Kapuso host Lolit Solis, actress Bianca King, Kapatid actor Derek Ramsay, at News 5 head LuchiCruz Valdes.

Dumalo rin ang showbiz reporters mula sa Kapuso, Kapatid, at Kapamilya network, tulad nina Aubrey Carampel, Lhar Santiago, Nelson Canlas, Gretchen Fullido, IC Mendoza, Ginger Conejero, Dolly Anne Carvajal, at marami pang iba.

Naroon din sina senatorial candidate Francis Tolentino, Sen. Bongbong Marcos, former First Lady Imelda Marcos, at GMA Chairman and CEO Felipe L. Gozon.

— Bianca Rose Dabu/BM, GMA News