Regine Velasquez reunites with ‘her girls’ Rachelle Ann Go and Sarah Geronimo

Ipinagmalaki ng Kapuso actress at Asia's Songbird na si Regine Velasquez ang Filipina singers na sina Rachelle Ann Go at Sarah Geronimo na parehong nagsimula sa mga singing contest kung saan nagsilbing host, judge, at mentor ang “Poor Señorita” star.

Matatandaang nanalo sa “Star For A Night” si Sarah noong 2003, habang itinanghal naman si Rachelle Ann bilang Grand Champion sa “Search For A Star” noong 2004.

Nitong Linggo ng gabi, magkasamang pinanood nina Regine at ng Popstar Princess ang theater musical na “Les Miserables,” kung saan gumaganaap bilang Fantine si Rachelle Ann.

Ayon sa Asia's Songbird sa isang Instagram post, “My girls! Proud of you both! #galingmoShin #GodBless #GoodNate Thank you, Sarah, for a wonderful night.”

 

My girls ???? proud of you both #galingmoShin #GodBless #GoodNate thank you Sarah for a wonderful night ????

A photo posted by reginevalcasid (@reginevalcasid) on

Apr 24, 2016 at 8:52am PDT

Labis naman ang pasasalamat ni Rachelle Ann sa suportang ipinakita sa kaniya nina Regine at Sarah.

“Ang saya ko.! Two of my faves watched tonight yay! Salamat sa suporta! Love you, Ms. Reg and sis! ???? #thelesmisdiaryofrachelle”

Kasalukuyang nasa Pilipinas si Rachelle Ann para sa Manila run ng 30th anniversary tour ng award-winning musical na “Les Miserables,” na mapapanood sa Theater at Solaire sa Parañaque City hanggang sa darating na Linggo, May 1. — RSJ, GMA News