GMA Brandtalk
Tracking
Archives
Heart Evangelista ‘plays’ with paint and designer bags
Bukod sa pagiging magaling na artista, kilala rin ang Kapuso actress at “Juan Happy Love Story” star na si Heart Evangelista bilang isang painter.
Maliban sa kaniyang art exhibits noong nakaraang taon, nakita na rin ng publiko ang kaniyang mga makukulay na obra sa gowns na gawa ng designer na si Mark Bumgarner, sa iba't ibang libro, at pati na sa designer bags.
Nitong Linggo, ipinasilip ni Heart kung paano siya nagpipinta ng isang unique na painting sa designer bag.
Sa pagkakataong ito, nagsilbing canvas ng aktres ang isang bag mula sa French high fashion luxury goods manufacturer na Hermes.
Watch me play ! ???????????? #lovemarie #lovemariehandpaintedbags #carryyourheART @iamlovemarie_e
A video posted by Love Marie Ongpauco Escudero (@iamhearte) on
A photo posted by Love Marie Ongpauco Escudero (@iamhearte) on
Makalipas ang ilang sandali, ipinasilip ni Heart ang isang bahagi ng kaniyang obra para sa nasabing designer bag.
Aniya sa naunang pahayag ngayong taon, “Hermes is very supportive. In fact, I did an event with them. They invited all my clients na may painted Birkins. So, lahat ng nasa guest list, pagdating, puro painting 'yung bags nila. Very supportive sila. Nakakatuwa."
[Read: Heart Evangelista reveals how much she charges for painting designer handbags]
Magkano naman kaya ang halaga ng bawat bag na pinipintahan ng aktres?
“It would be P90,000 a bag, pero hindi sa akin yung Birkin bags. Kung meron kang Birkin bag, you have it commissioned. For the Hermes bags, it would take two days to three days,” pahayag ng Kapuso actess.
Sa isang hiwalay na video, ibang disenyo naman ang ipininta ni ng aktres sa isang Hermes bag.
#lovemariepaintedbags #Hermes #hermesgardenparty ???? @iamlovemarie_e
A video posted by Love Marie Ongpauco Escudero (@iamhearte) on
Mapapanood ngayon si Heart sa GMA Primetime romantic comedy series na “Juan Happy Love Story” kasama sina Dennis Trillo, Joross Gamboa, Kim Domingo, Erika Padilla, Gloria Romero, at marami pang iba. — RSJ, GMA News
